Ca trike në Windows Vista

-Nëse nuk ju pëlqen pamja e Aero, klikoni Start/Control Panel/Themes dhe zgjidhni një temë tjetër, si psh. Windows Classic.



- Instaluesi i Windows Vista-s i dallon disqet e ngurtë serial-ATA (SATA), pa patur nevojën për ndonjë disketë me driver-a. Mos e vrisni mendjen të bëni një disketë për disqet e ngurtë SATA përpara se të instaloni Vista-n.

- Nëse, për çfarëdo arsye, ju ndërpritet instalimi i Vista-s nga ndonjë fikje pa dashje, rindezje e kompjuterit, apo nëse ju ikin dritat, ndizeni kompjuterin duke mos e boot-uar nga DVD-ja e Vista-s. Instaluesi i Vista-s duhet të fillojë instalimin në pikën ku u ndërpre. Nëse jo, atëherë rifillojeni vetë nga fillimi.

- Kur bëni një kërkim me veçorinë e re të kërkimit të çastit në Vista, mund t’i ruani këto kërkime në një dosje speciale. Kjo veçori e fuqishme ju lejon që të krijoni një dosje virtuale, e cila zakonisht ruhet në dosjen \\Searches\. Sa here që e hapni një dosje të tillë, rezultatet e kërkimit përditësohen.



- Në Windows Vista, mund të shtoni dhe orë të tjera në tabakanë e sistemit (system tray). Klikoni orën dhe më pas klikoni Date and Time Settings. Klikoni grupimin Additional Clocks. Mund të shtoni një apo dy orë të tjera dhe të zgjidhni orët lokale për secilën.


- Mund të ruani progresin në shumë prej lojrave të reja në Windows Vista, si dhe në ato që kanë ngelur nga versioni më i hershëm Windows XP.

-Mund të krijoni dokumentë XML, të cilët janë më të sigurtë se skedarët normal text apo skedarët .doc. Mjafton të krijoni një skedar në ndonjë program fjalësh dhe kur të printoni zgjidhni printerin XPS në opcionet e menusë së printimit.



- Nëse përmirësoni kartën grafike për t’u përgatitur për Vista-n, bëni mirë ta merrni me sa më tepër memorie të mundeni. Duke qenë se Vista pasqyron gjithçka si sipërfaqe 3D, përfshi këtu dhe desktopin apo vetë dritaret, një kartë grafike locale 3D përmirëson performancën, shpeshherë edhe më tepër se një kartë e fuqishme GPU.

-Lojërat në Windows Vista i depozitojnë pjesët e ruajtura në një direktori të veçantë të quajtur Saved Games, në dosjen personale. Teorikisht, për ata që luajnë dhe që duan t’i kalojnë lojërat e tyre nga një system në tjetrin, kjo e bën më të lehtë këtë kalim.

- Kur përdorni sistemin e Help-it, zakonisht ka më tepër përparësi nëse përfshini dhe bazën e të dhënave online të Microsoft-it. Gjendja online/offline tregohet në pjesën e djathtë të poshtme të dritares Help. Mund të klikoni aty për ta ndryshuar këtë gjendje.


- Dosja Games është një depo e shkëlqyer për të ruajtur gjithsa ka lidhje me lojërat. Që prej brendisë së saj mund t’i filloni lojërat, t’i përditësoni ato me risitë e fundit, të aktivizoni kontrollin prindëror për të mbrojtur përdoruesit e rinj në moshë nga përmbajtjet e dëmshme, e të tjera akoma. Shkoni tek ajo perms Start/Games.

- Windows Vista përmban disa aplikacione që ju ndihmojnë ta rrisni në maksimum performancën e sistemit. Disa prej tyre janë: TweakVI (www.totalidea.com), TweakVista (www.tweakvista.com/tweakvistautility) dhe VistaBootPRO (www.vistabootpro.org). Mos harroni as Windows ReadyBoost, i cili ju lejon të përdorni një disk memorie flash të lëvizshëm për të rritur memorien e sistemit.

- E përdorni ikonën në këndin e majtë, sipër, në dritaret e aplikacioneve dhe të sistemit? Dy klikime të shpejta e mbyllin ndritaren (në vend të një klikimi të X në cepin e djathtë të sipërm). Microsoft-i nuk e ka përfshirë ikonën në Vista, por veçoria është ende e vlefshme.
- Në Microsoft Windows Explorer mund të përdorni titujt e kolonnës (Name, Size etj) për të radhitur skedarët. Përdoruesit e zgjuar mund të klikojnë djathtas miun mbi titullin e një kolone dhe të largojnë artikuj prej aty. Windows XP ka rreth 45 kolona të tilla. Windows Vista përmban mbi 250, që mbulojnë një mori meta-të-dhënash.


- Nëse jeni mësuar të notoni në Program Menu për të shkuar tek aplikacionet, do të shtangeni kur të përballeni përsëpari me Microsoft Windows Vista-n. Program Menu-ja e re tregon vetëm aplikacionet e përdorura së fundmi dhe nevojit klikime të tjera për të lundruar në nën-menytë. Kjo do të ishte acaruese, por, fatmirësisht, kutia Search që ka shtuar Microsoft-i në menynë Start e zëvendëson më së miri. Sigurisht që për këtë duhet të jeni një operator/shkrues i saktë në tastjerë. Sa më shpejt të shkruani, aq më shpejt të merrni rezultate inteligjente për aplikacionet, skedarët dhe, madje, edhe për mesazhet e postës elektronike.