Gruevski kërkon unitet për ruajtjen e emrit dhe identitetit

Kryeministri i Maqedonisë, Nikolla Gruevski theksoi se Maqedonia duhet të punojë dhe angazhohet për ruajtjen e identitetit, emrit, posaçërisht historisë dhe kulturës.
Kreu i Qeverisë tha se në këtë drejtim “duhet të jemi unik, pa dallim të përkatësisë partiake, fetare, pa dallim të marrëdhënieve personale”.

“Vetëm nëse jemi të bashkuar do të realizojmë qëllimin tonë, por nëse jemi të ndarë do të biem para testit të historisë, shkaku se përgjegjësia të cilën e mbajmë si individë, sot është e vendosur në test, nga përfundimi i të cilit varet ardhmëria jonë. Nuk mundemi vetë, nuk mundem as unë vetë, Nikolla Gruevski, as Branko Cërvenkovski, as Zoran Zaev, as Ali Ahmeti, as Menduh Thaçi as të tjerët. Nuk munden vetë as shqiptarët, as maqedonasit, turqit, serbët etj. Nuk munden vetë, por mundemi së bashku”, tha Gruevski.